منتديات شلون انساك
مرحبا بك عزيزي الزائر. المرجوا منك أن تعرّف بنفسك و تدخل المنتدى معنا. إن لم يكن لديك حساب بعد, نتشرف بدعوتك لإنشائه
الادارة
علي تكنو
ali.techno.stu@gmail.com
07711007824


مجموعة ثقافية ترفيهية اجتماعية
 
الرئيسيةالرئيسية  قائمة الاعضاءقائمة الاعضاء  المجموعاتالمجموعات  التسجيلالتسجيل  دخولدخول  

اهلا وسهلا بك زائرانا الكريم في منتدياتنا يارب تقضي وقت ممتع ومفيد اخوكم علي تكنو المدير العام لمنتديات شلون انساك


شاطر | 
 

 حبيبتي وين رحتي ؟؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
علي تكنو
المــديــر الــعام
المــديــر الــعام


رساله sms رساله sms : النص
عدد المساهمات : 1467

مُساهمةموضوع: حبيبتي وين رحتي ؟؟؟   الأربعاء 12 أغسطس 2009, 8:49 am

حبيبتي وين رحتي وعفتيني....................


ما اتوقعت بهذا الحال تخليني..................


شلون زمان خلاج تنسيني.....................


وتنسين حبي الج وايامي وسنيني...........


لانه جنت وفي وياج تخونيني!!!!!!!!!!!!!!!!!!


مو كلتي احبك لأبد ووعدتيني؟؟؟؟؟؟؟؟؟؟؟؟


اه ما تصورت هيجي تظلميني.................


وهيجي ما عرفتي معنى كلبي وحنيني..........


اتمنى امنيه ان انساج مثل ما نسيتيني..............



(((((ما اجمل الحب الصادق النابع من القلب ولكن هنالك مشكلة بمن تحب)))))



منقولة للعلم والامانة تحياتي للكل


عدل سابقا من قبل الحب الدائم في الجمعة 14 أغسطس 2009, 2:16 pm عدل 1 مرات
الرجوع الى أعلى الصفحة اذهب الى الأسفل
http://sezar.forumsmusic.com ali_techno2011@yahoo.com
كرستال الدراجية
عضو لامع
عضو لامع


رساله sms رساله sms : النص
عدد المساهمات : 275

مُساهمةموضوع: رد: حبيبتي وين رحتي ؟؟؟   الجمعة 14 أغسطس 2009, 2:18 am

انا الشراي للخوه بلا كم
اوابد ما يسوى كل عمري بلا كم
اذا مره نزل لينه بلاكم
مثل الجنه ونفتحت عليه
زماني بسيف مت عني علي راد
وهمي اشماجفل عني علي راد

ادور الي يجاوبني علي راد

ويضمد اجروح ما الهن شفيه
زماني علي سيف الظلم سله
ومو بس هاي شج بالعين سله
رغم هذا وجسمي القهر سله
كمت وي اخوتي وشلت الاذيه

عجيبة شگد تعب گـلبي ولا أنْ
ولا مـرة عرف يـحمل ولائينْ

يصاحب يا درب ماشي والى أين

تروح وتـجفي كليبي العليل

يراكب اسرع الممشه وبلي جد

لخويه تكله و اتخبره باليجود

تمنيت الطفوف اتظل باليجود

ويواسي بمهجة والروح أخية
الرجوع الى أعلى الصفحة اذهب الى الأسفل
كرستال الدراجية
عضو لامع
عضو لامع


رساله sms رساله sms : النص
عدد المساهمات : 275

مُساهمةموضوع: رد: حبيبتي وين رحتي ؟؟؟   الجمعة 14 أغسطس 2009, 2:19 am

بلساني العليل ايلوج يـوماي
ومن حزني گرب للموت يوماي

دمعة حزن تهمي العين يـوماي

اهل ادمـوعي دم لبن الزجيـه

طوه ضلعي على العريس واحنه

وحنين النوگ احن اعليه واحنه

تحـني الـوادم الجفين واحنه

نحـني اجفوفنـه ابـدم المنيه


مثل حزني حزن ما شفت والماي

ولا تـلاوم عليـه محب والماي

عجيبه من الفرات انحرم والماي

ابويه عراق و افدي بل منيه

ابيوم اهلال شهر الحزن منهل

بجيت آنه وجريت الدمع منهل

تـذكرني الغرب ابيوم منهل

على الفراك حتى كليبي كطعته

الرجوع الى أعلى الصفحة اذهب الى الأسفل
كرستال الدراجية
عضو لامع
عضو لامع


رساله sms رساله sms : النص
عدد المساهمات : 275

مُساهمةموضوع: رد: حبيبتي وين رحتي ؟؟؟   الجمعة 14 أغسطس 2009, 2:19 am

غريبه ولاوطن عندى ولادار
وحولك ما خلص يبني ولادار

يبني اجفاك مرمـرني ولادار

بحليبك ياحبيب تعود اليه

وليدي راح من ايدي واهو شاب

وشاب الراس لفراگه وهو شاب

ما شب نـار دلالي وهو شـاب

نيرانـي ورحل مـن بين اديـه

:
شجيت انه وجريت الدمع منهال

وحنيت الضلع يوم الصاح منهال

صحت ويلاه يا ويلادي منهال

عليكم صحت وين الي يجاوب عليه

يخويه الضمه نار احرگت يوفـي

عرفنه اللى يواعـد وعد يوفـي

حاشاه العـزيز ايخون يوفـي

ابن امي نفس نهض ا ليـه


شكول للحر ما واحد نجلهـا

وچم حره انچتل باالعراق نجلها

المدينه ما نحب نوصل نجلها

نريد انخيم بـوادي الـمنيه


كثيره اجروح يبن امي ترابيك

عفت الدار وعيوني ترابيـك

چانت تسهر ليالي وترابيك

متكلي اشوكت اتعود اليه


انگطع حبل الوصل بيني وبينه

وذخرته والـعمد هّو وابينـه

إلمن اشتكـي هـمي وابينه

واخبره اشوكت ايعوّد عليـه
الرجوع الى أعلى الصفحة اذهب الى الأسفل
كرستال الدراجية
عضو لامع
عضو لامع


رساله sms رساله sms : النص
عدد المساهمات : 275

مُساهمةموضوع: رد: حبيبتي وين رحتي ؟؟؟   الجمعة 14 أغسطس 2009, 2:20 am

جروحك بيش اداويهن والفهن
مو جرحين حتى اگعد والفهن

حايرانه بعدهن ولفهن

وراحن اجروحي كلهن عليه

توجّل گـلب الحنينـه علمها

يولي وحست بـوحشه علمها

ساعه من وگع الحبيب علمـها

لطمت عـالوجه منين يرجع اليه

قطار العـز تعدانـه ومـرنـه

وعلينه مـا نشد واحد ومرنـه

عگب عينك يا صاح وامرنـه

بـهاى انفوضه لـرب البريـه


علينه اطلع يبو صالح ولمنـه

تراها الناس ماداوت والمنـه

انت الامـل يلغايب والمنه

وبلسم انت لجروحي الخفيه


تركني الدهر بـالغربه بلاسم

وضعف حيلي ومرد چبدي بلاسم

واكيد الفرج لجروحي بـلاسم

يبلسمها ويـرد روحـي الـيه


تمر انخاك يا عراقي عليهـم

واخبرك كلب كل منهم عليهم

وطنه الكل جفت عنه وعليهم

گلبي وگـربت منـه المنيـه


الك بگلوبنه من الشعر نـادي

رطب ذكرك بگلب المحب نادي

يا عراق بيوم الحشر نـادي

محبينك يـجوك اعلى النديـه


ربينه اعلى حبك احنه علينـه

نصيح بشده لـوطحنه علينه

يا عراق جـارت الدنيـا علينه

ورمتنه بـدار غربه واجـنبيه


انامر بالصبر روحي ونهواى

وكثير اتعد مصايبها ونهواى

الوادم بالهوه اتساهر ونهواى

يعتني بيك صبح ومسـيه
الرجوع الى أعلى الصفحة اذهب الى الأسفل
كرستال الدراجية
عضو لامع
عضو لامع


رساله sms رساله sms : النص
عدد المساهمات : 275

مُساهمةموضوع: رد: حبيبتي وين رحتي ؟؟؟   الجمعة 14 أغسطس 2009, 2:20 am

انا مو عن طمع جيتك وانحبيت
سعيت ازحوف اجي لگبرك وانحبيت

جرت لحبك ادموعي وانـحبيت

اون وابچي على فراكك عليه

يربي لحضرت الـمولى ودينه

نـوفي انذورنـه ل الله ودينه

يربي اصدورنه ضاگت وادينه

الك مرفوعه تدعي بكل مسيه


يا صاح الدهر عگبك هضمني

وطحني ابين چفينه هضمـني

اتمنه افتح لحـد گبرك ها ضمني

ودخلصني يا بويه داروا عليـه


يا عراق تحن الك عيني و نهباي

يعاني الگلب لفراگ ونبهاى

تحن لزيارتك روحي وان بهاى

اغـص بعبرتي صبح ومسـيه


حنيني ليك يا عراق هوايه

ودمعي الماخلص بحره هوايـه

حبك علم صار النـه هوايـه

كتبها اعلى الگلب رب البريه


ننخه باسمك احنه تـرى دوم

ونهل دمع الحزن لجلك ترى دوم

چم مره انصدع گلبي وتـرادم

ويّ الصـبر والهـم والاذيـه


حسبـه تروح عني والف يبرن

وما صدگ اجروح الگلب يبرن

وحكك طابن اضلوعك ويبرن

وانه لسـا اضلوعي اتعن عليه
الرجوع الى أعلى الصفحة اذهب الى الأسفل
كرستال الدراجية
عضو لامع
عضو لامع


رساله sms رساله sms : النص
عدد المساهمات : 275

مُساهمةموضوع: رد: حبيبتي وين رحتي ؟؟؟   الجمعة 14 أغسطس 2009, 2:20 am

احن لفراگك ابن امي واناصيح
الك ماضل ضلع سالم وناصيح

يخي چنت النه وانـاصيح

وعگبك مابجت اخواني عليه

تعال وشوف كلبي من بعدكم
حزين ومايحب احد بعدكم
لوطال العمر وانتو بعدكم
يضل حبكم بكلبي للمنيه
اشلون انساك وانت ماي عيناي

اخوي اولليضدني بيك عيناي
اتمنى ليك كل مصباح عيناي
ولكن ما يصح وصلك بدية

يميني الك ممدوده ويسراي
اخوي انت ابعسر حالي ويسراي
قيس انت سر الوادم وي سراي
اليعجبك والتريده بس كوله اليه


كبر العمايـم تصدعنـي بغيـر اصـلاح
شطـار في لفـها لكـن بغيـر اصـلاح
في طيها الجـهل مع سـاس الغبـاوة لاح
شـي الفايـدة هالكبـر لفـه بليـا نـفع
لا منفعـه للوطـن لا علـم بـه منتـفع
ما همهم غير قرض العرض وتر وشـفع
فليسقط اللاف وليحيى العظيـم اصـلاح
عليه اسهام وكتي النوب ينجال
اوماضل عدل بالميزان ينجال
سألته لحم اخوك الميت ينجال
يكلي الوكت شرعا حلال اليه
نصحته اولا نفـــع وياه نصحاي
سكاره احنه بهــواه مابعد نصحاي
جفاني وصرت نصي ميت نصحاي
نحيـــل ولا اثــــر لحمات بيه


روحي والهوى ودنياي وعداي
واشلون اشيل الجدم وعداي
صابر وانتظر واشـوف وعداي
ابفرح لو دوم وكـتي محيط بيه


العاذل غير اطباعك ولاشاك
وتخاصمنا وصرت خسمي ولاشاك
الذهب غيرك على احبابك ولاشاك
وخصام انكلب كل ودك عليه

إجبود ابجمر من الوكت ملت
وكَلوب الناس من الهجر ملت

مرابط خيلك من الخيل ملت

وبيض اسيوفكم امست صديه

يادنيا ليش بعذابي تسعين
وربعي وقت الحلو صاروا تسعين
وبويا ليش من بعد عام تسعين

كلهم مامروا عليه
يارايح هاك كتابي وياك وصلة
عالمدري هله واعمامة منين واصلة
كله الكلب بجفاك صار 12 وصلة
كل وصلة تكول جيبه الية

بعد لاتظن اراسلهم وصلهم
بسبب لن جان قطعو وصلهم
ارخصك هل العاذل وصلهم
انتهيت بعد لايمرون بيه
الرجوع الى أعلى الصفحة اذهب الى الأسفل
علي تكنو
المــديــر الــعام
المــديــر الــعام


رساله sms رساله sms : النص
عدد المساهمات : 1467

مُساهمةموضوع: رد: حبيبتي وين رحتي ؟؟؟   الجمعة 14 أغسطس 2009, 2:15 pm

عراقية اختي العزيزة شكراا الك ربي يسلمك
الرجوع الى أعلى الصفحة اذهب الى الأسفل
http://sezar.forumsmusic.com ali_techno2011@yahoo.com
 
حبيبتي وين رحتي ؟؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات شلون انساك :: الأقسام الادبية و الثقافية - Literary & Culture Section :: منتدى الشعر الفصيح وقصائد الشعر الحر , الخواطر وعذب الكلام ,الشعر الشعبي العراقي و العربي-
انتقل الى: