منتديات شلون انساك
مرحبا بك عزيزي الزائر. المرجوا منك أن تعرّف بنفسك و تدخل المنتدى معنا. إن لم يكن لديك حساب بعد, نتشرف بدعوتك لإنشائه
الادارة
علي تكنو
ali.techno.stu@gmail.com
07711007824


مجموعة ثقافية ترفيهية اجتماعية
 
الرئيسيةالرئيسية  قائمة الاعضاءقائمة الاعضاء  المجموعاتالمجموعات  التسجيلالتسجيل  دخولدخول  

اهلا وسهلا بك زائرانا الكريم في منتدياتنا يارب تقضي وقت ممتع ومفيد اخوكم علي تكنو المدير العام لمنتديات شلون انساك


شاطر | 
 

 رافع حاجبه ومحد عاجبه وفلسفاتة ,, الجملة الخالدة ,, و شوكت نستعملها

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
علي تكنو
المــديــر الــعام
المــديــر الــعام


رساله sms رساله sms : النص
عدد المساهمات : 1467

مُساهمةموضوع: رافع حاجبه ومحد عاجبه وفلسفاتة ,, الجملة الخالدة ,, و شوكت نستعملها   الأحد 17 يناير 2010, 12:53 pm

السلام عليكم ,, شلونكم و انشالله بخيط ,, شوكت انكول خرب حظي ؟؟ و خرب حظي جملة عراقية كلش مفيدة تستعملها حضرتك لمن اتحس انه اكو طركاعة وكعت عليك مثل النيزك المتعارك وية مرته على كصتك او بالاصح على راسك و سوت عندك زرف كلبت راسك حصالة مال فلوس ,, المهم ,, هاي الجملة نستعملها بهواية شغلات مثلا ,,

- ابو الحرس ساعة يفتش سيارتك بحيث شوية و يكلبها تفصيخ لان الجهاز مال الريحة أشر عنده ,, اخر شي تطلع ريحة جواريب صاحبك اللي ما نازعة من ثورة العشرين ,,
- تشغل المولد تجي الوطني تطلع اتدردم و اتطفي المولد تنطفي الوطني ,, اتكوم اتسب و اتشتم ترجع اتشغل المولدة تجي الوطني و هكذا الى ان توكف بنص الشارع تنتظر اول ابو تريلة يهرسك و تخلص من هال دنيا المعجمجة
- هواية استعمل جملة خرب حظي لمن اكعد من النوم الكة الشعر اللي عال مخدة اكثر من الشعر اللي على صماخي
- لمن تتفرج على لعبة لمنتخبنا و و نطلع فايزين (فايزين بس باللعب النظيف !!)
- لمن عازم صاحبك بمطعم و اصبعة أيأشر على اغلة وجبة مو بس بالمطعم لا ,بالمجموعة الشمسية كلها بما فيها كوكب حلولو ,, و تستنتج من هذا انه هوة مشتري موبايل جديد و ايحب اول صورة ياخذها الك بتلفونه و انتة لابس صدرية مرسوم عليها ميكي ماوس شايل فيتبم و واكف فوك صندوك طماطة دا تغسل مواعين من ورة الزقنبوت الغالي اللي طفحة الاخ
- لمن ابوك يسألك انتة جيت ؟ كولة لا ريل بلير (مو جيت اوديو يعني)
- لمن تفوت للمهجوم الحمام اتريد تغسل وجهك تلكة المي ينكط اتكول البوري انكلب سرنجة ,, تكتفي انه اتبلل اصبع رجلك الصغير و تطلع اتكول بصوت عالي (جوة البنكة بشوية ) : خرب حظي
- لمن دا تلعب حديد و ابو االبابا مسموط يجيك ابو القاعة الكابتن و بيده لفة يكلك هذا الشفت اتعيدة 1400 مرة لان عضلاتك خايسة و احتمال ادزك على بنجرجي يضبطك على 28 ,,
- لمن رجال شايب يسوق كدامك ,, و صدكوني هاي صارت بيه بالقادسية ابو تويوتا 81 عمره 92 سنة حاصل على شهادة تقديرية من جمعية مراحيم بلا حدود ميت 12 مرة و عزرائيل يصير رجل بنته ,, شارك بحرب البسوس و طلع تقاعد بزمن والي بغداد العثماني سليمان كمش اغا تيغة ,, يمشي بسرعة 8 كلم بالشهر ,, بحيث اخر شي تجاوزته من اليسرة و قريتله الفاتحة و طلعت و اني أكول : خرب حظي
- لمن بنية تخابرك بالغلط ,, و تكتشف بعدين انه صدك جان غلط مو غير شي
- لمن تروح لشركة بيجو تصلح سيارتك و تكتشف انه اكو 15 دولار زايدة بالفاتورة تسال هاي مال شنو يكللولك مو من جيت سلمت جاوبناك !!
- لمن تكتشف انه انتة صرفت على عراقنا 20 دولار حتى تجيك رسالة اتكلك مبروك لقد فزت بدولارين
- لمن تطلع بالشارع تلكة انه من مجموع 12 سيارة بس 17 واحد مشغلين البوم حسام الرسام الجديد بحيث على سيارة سيارة تحفظ الالبوم كله و فوكاها 3 اغاني ماكو بالالبوم ما اعرف منين جايبيها ,, يمكن اتسجلت بالانشطار هلكد ما السيدي يفتر بالمسجل مال السيارة
- لمن واحد امة تلح اتلح نكلك الة تزوجك بنية كرايبك شعر وجها و خشمها يفصل ليفتين و جفية ,, و انته متأكد انه اذا زينتها صفر تطلع اخوها الجبير ,, راح تكول لأمك زوجيني ابن عمي ارحم ,, راح تعيط بوجك و تطلع و انتة تضرب راسك بالكنتور و اتصيح : خرب حظي
- لمن صاحبتج اتكلج هذا الكوستم مالتي جبتة من لبنان و تكتشفين بعدين بالصدفة (ترة بالصدفة هاا !!) انه لبنان اسم عربانه البالة اللي باب الشرجي اللي صاحبتج اشترت منها الكوستم ,,
- لمن مستعجلة و اتريدين اتطلعين و الكحل يخلص ,, تندارين على جيس الفحم اللي بالمطبخ ,, و اتكولين أمري لله بس اليوم ,,
- لمن تشتري لفة كص ب 2000 دينار يطلع لحم مال مخلوق تدفع نص عمرك و تعرف هذا منو و قبل كم قرن انقرض بتاتا
- لمن انتة بكويز و تجيك اسئلة الفراهيدي لو يلعب حديد سنة ما يعرف يحلها ,, لا انتة تعرف هاي الطركاعة شلون تنحل و لا ابن المصخم من يا خرابة جايب هال اسئلة ,, و طبعا مكتوب بالورقة بالاخير good luck طبعا راح تفتهم انه الحظ الزين لابو المادة لان راح يرسبك مو الك راح اتخلي راسك بين ايديك و تتحسر عال ليل اللي كعدت تقره بي جوة عمود الشارع براس الفرع بس انتة و الحرس و اتكول : خرب حظي

- لمن تكعد الصبح بتموز تلكة من العرك فراشك صاير مسبح و ابوك حاطلك قفاز ابو النص متر شادة عال مخدة بأمير ,,
- لمن اتنزل اغنية مال رابح صقر و الوندوز ما يتحمل جهرته وينضرب و انتة متواعد عال ماسنجر ورة شوية ,, ورة نص ساعة تلكة نفسك شايل اللابتوب على راسك و تركض بالشارع اتصيح خرب رابح صقر و طبعا و اكيد : خرب حظي
- و أخيرا ,, لمن واحد يريد يقنعني منكم انه ما مار ابد بأي موقف يخله يكول خرب حظي فأكيد راح اكول لعد بس اني؟؟؟؟ اويلي على حظي

تحياتي و نلتقي بعد ما اعرف شوكت و سي يو جميعا








الرجوع الى أعلى الصفحة اذهب الى الأسفل
http://sezar.forumsmusic.com ali_techno2011@yahoo.com
 
رافع حاجبه ومحد عاجبه وفلسفاتة ,, الجملة الخالدة ,, و شوكت نستعملها
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات شلون انساك :: أقسام التحشيش - Fun & Joke Section :: منتدى حشاشة العراق-
انتقل الى: